Heimasíða Hauganeshesta

Þá er fyrra folald sumarsins komið í heiminn en það er stórglæsilegur rauðblesóttur hestur undan Perlu frá Húsey og Hrafnssyninum Tý frá Skeiðháholti. Hesturinn kastaðist 15. júní og braggast vel. Folaldið er í eigu Hönnu Valdísar Hólmarsdóttur, en hún er ný orðinn 1. árs.

 

Firmakeppni Hrings var haldin 1.júní. Þar voru hauganeshestamenn mættir á svæðið. Bjarni keppti á Neista og Dandi á Sólsker. Ágætis skráning var í mótið og heldur betur en í fyrra. Leikar fóru þannig Friðrik og Glaður frá Grund urðu í 1. sæti, Bjarni og Neisti í 2. og Dandi og Sólsker í 3. sæti.  Og erum við nokkuð sáttir með það.

Hér að neðan má sjá mynd sem tekin var af Bjarna og Neista á Fákum og fjöri, vígsluhátíð Top Reiter hallarinnar á Akureyri. Þeir taka sig nú bara þokkalega út þarna félagarnir. Annars er það af frétta héðan af Nesinu og stefnan er sett á þátttöku á Opna norðurlandsmótinu sem fram fer á Akureyri um helgina.

Úrslitin í Svarfdælsku mótaröðinni fóru fram á þriðjudagskvöldið. Þar voru Bjarni og Neisti í úrslitum í tölti eins og áður hefur komið fram hér á síðunni. Sýningin hjá þeim félögum gekk mjög vel og vorum við að gæla við að 1. eða 2. sætið yrði niðurstaðan. En dómararnir voru ekki alveg sammála okkur í því og enduðu þeir félagar í 3. sæti og og veður kannski að taka með í reikninginn að aðstandendur Haugneshesta eru ekki alveg hlutlausir í þessu máli. En engu að síður ágætis árangur og greinilegt að Bjarni og Neisti eru að slípast betur og betur saman og verður spennandi að sjá þegar þeir koma á útimótin þar sem plássið er aðeins meira. Sigurvegri í töltinu varð Atli Sigfússon á Stormi frá Ytri-Hofdölum og í öðru sæti varð Hulda Lilý Sigurðardóttir á Slæðu frá Möðrudal.