13C 
Hin hálfíslenska Chelsey Kristína Birgisdóttir Sveinsson keppir fyrir hönd Bandaríkjanna í 1.500 metra hlaupi á heimsmeistaramóti unglinga sem fram fer á Bressanone á Ítalíu í næstu viku. 
Eitt stærsta, ef ekki stærsta, mót íslenska frjálsíþróttasumarsins fer fram á Kópavogsvelli um helgina en það er hið árlega Meistaramót Íslands sem nú fer fram í 83. skiptið. 
Sundfélagið Ægir náði að hnekkja fimm ára veldi Íþróttabandalags Reykjanesbæjar og sigraði í stigakeppni aldursflokkameistaramóts Íslands í sundi fyrir 12-18 ára ungmenni sem haldið var á Akureyri um síðustu helgi. Seinna folaldið komið í heiminn:)
Föstudagur, 03 Júlí 2009 00:16
Já þá er seinna folald sumarsins loksins komið í heiminn eftir mikla bið. Viktoría kastaði í nótt gullfallegri hryssu undan Degi frá Strandarhöfði. Hún er með langan og grannan háls og pínu litla stjörnu. Liturinn er aðeins óljós ennþá. Sennilega er hún brún, en hugsanlega gæti hún verið móálótt.. Við reiknuðum reyndar ekki með að hún mundi kasta svona snemma. Hún var hinsvegar búinn að haga sér mjög undarlega í heila viku. Búin að hanga við skurðbakka, með taglslátt, krafst og öll hugsanleg merki um að hún væri að fara að kasta. Við vorum búin að vakta hana í heila viku og vorum sannfærð á hverjum einasta morgni að nú væri komið folald. Það var svo að sjálfsögðu morguninn sem við gáfumst upp á að athuga með hana að folaldið var komið. Tókum eftir því um 2 leytið í dag.
Læt fljóta með nokkrar myndir sem voru teknar í dag en þarna er folaldið bara nokkra klukkutíma gamalt.
Svo má fólk endilega skrifa athugasemdir, um t.d. hvað þetta er með eindæmum myndarlegt folald og jafnvel hvað þið haldið um litinn á því:)
Ný hryssa á Hauganesi
Sunnudagur, 21 Júní 2009 23:38
Í dag festu Kristinn og Íris kaup á nýrri hryssu. Sú heitir IS2005265166, Nóta frá Dalvík.
Nóta er 4 vetra ótamin hryssa undan Kormáki frá Flugumýri (8.30) og Baldursdótturinni, Spennu frá Dæli. Kormák þarf varla að kynna, en Spenna er klárhryssa með 7.9 í aðaleinkunn og 8.52 fyrir sköpulag!!
Nóta er mjög léttbyggð, háfætt og ágætlega prúð. Hún fer um á svifmiklu brokki með góðum fótaburði. Hún er hryssa sem grípur augað alveg um leið.
Hryssuna keyptu þau af Auðbirni og Ester í Hólakoti (holakot.net), en þau áttu hana í sameign með Stefáni Gunnarsyni og Guðrúnu Þorsteinsdóttur frá Dalvík.
Nóta er ótamin en bandvön. Hún fór beint niður í hesthús þar sem Kristinn mun byrja að frumtemja hana.
Reikna með að taka fleiri myndir og setja inn á morgunn.
Fyrsta folaldið
Miðvikudagur, 17 Júní 2009 21:07
Þá er fyrra folald sumarsins komið í heiminn en það er stórglæsilegur rauðblesóttur hestur undan Perlu frá Húsey og Hrafnssyninum Tý frá Skeiðháholti. Hesturinn kastaðist 15. júní og braggast vel. Folaldið er í eigu Hönnu Valdísar Hólmarsdóttur, en hún er ný orðinn 1. árs.
Firmakeppni Hrings
Fimmtudagur, 04 Júní 2009 14:41
Firmakeppni Hrings var haldin 1.júní. Þar voru hauganeshestamenn mættir á svæðið. Bjarni keppti á Neista og Dandi á Sólsker. Ágætis skráning var í mótið og heldur betur en í fyrra. Leikar fóru þannig Friðrik og Glaður frá Grund urðu í 1. sæti, Bjarni og Neisti í 2. og Dandi og Sólsker í 3. sæti. Og erum við nokkuð sáttir með það.Mynd af Fákum og fjöri
Mánudagur, 11 Maí 2009 21:54
Hér að neðan má sjá mynd sem tekin var af Bjarna og Neista á Fákum og fjöri, vígsluhátíð Top Reiter hallarinnar á Akureyri. Þeir taka sig nú bara þokkalega út þarna félagarnir. Annars er það af frétta héðan af Nesinu og stefnan er sett á þátttöku á Opna norðurlandsmótinu sem fram fer á Akureyri um helgina.
Fleiri greinar...
- Bjarni og Neisti í 3. sæti í Svarfdælsku mótaröðinni
- Nýtt frá Green Day - Bara varð að leyfa þessu að fljóta með
- Úrslit Svarfdælsku mótaraðarinnar í kvöld
- Bjarni og Neisti á Fákum og fjöri
- Úrslitakvöldi Svarfdælsku mótaraðarinnar frestað
- Bjarni og Neisti í úrslitum Svarfdælsku mótaraðarinnar
- Betra seint ein aldrei
Síða 1 af 7